Abraham Maslow | |
Geboortenaam | Abraham Harold Maslow |
---|---|
Gebore | Brooklyn, New York Stad, New York | 1 April 1908
Oorlede | 8 Junie 1970 (op 62) Menlo Park, Kalifornië |
Nasionaliteit | ![]() |
Vakgebied | Sielkunde |
Instelling(s) | Cornell Universiteit Brooklyn College Brandeis Universiteit |
Alma mater | Universiteit van Wisconsin–Madison |
Doktorale promotor(s) | Harry Harlow |
Bekend vir | Maslow se hiërargie van behoeftes |
Beïnvloed deur | Alfred Adler, Kurt Goldstein, Henry Murray |
Invloed op | Douglas McGregor, Roberto Assagioli, Colin Wilson, Abbie Hoffman, Wayne Dyer, Elliot Aronson |
Abraham Harold Maslow (1 April 1908 in Brooklyn, New York – 8 Junie 1970, Menlo Park, Kalifornië) was 'n Amerikaanse sielkundige, bekend vir die ontwikkeling van Maslow se hiërargie van behoeftes, 'n teorie van sielkundige gesondheidsversekering ter vervulling van aangebore menslike behoeftes in prioriteite verdeel, ter bereiking van selfverwesenliking.
Maslow was die oudste van sewe kinders en geklassifiseer as verstandelik onstabiel deur 'n sielkundige. Sy ouers was eerste generasie Joodse immigrante vanaf Rusland wat gevlug het van tsaristiese Jodevervolging in die vroeë 20ste eeu. Hulle het verkies om in New York Stad te woon, in 'n multi-kulturele, werkersklas gemeenskap. Sy ouers was arm en nie intellektueel georiënteerd nie, maar hulle het 'n hoë waarde aan onderwys geheg. Dit was moeilike tye vir Maslow omdat hy onder anti-Semitisme van sy onderwysers en kinders in die woonbuurt gelei het, en hy het gereeld probleme met anti-Semitiese bendes gehad wat hom verjaag het, en hom met klippe gegooi het. Maslow en ander jong mense uit dieselfde agtergrond het gesukkel om die handelinge van rassisme en etniese vooroordele te oorkom, in hul pogings om 'n ideale wêreld wat gebaseer is op wydverspreide onderwys en monetêre geregtigheid te skep.
Net soos hy van buite die huis spanning beleef het, het hy dit ook van binne ervaar. Hy het nie juis met sy ma oor die weg gekom nie en daardeur het hy 'n sterk verwerping teenoor haar opgebou. Hy word aangehaal deur wat hy oor haar gesê het, “Waarteen ek gereageer het was nie net haar fisiese voorkoms nie, maar ook haar waardes en wêreldbeskouing, haar suinigheid, haar totale selfsug, haar gebrek aan liefde vir enige iemand anders in die wêreld – selfs haar man en kinders – haar narcisme, haar Neger vooroordeel, haar uitbuiting van andere, haar aanname dat almal verkeerd was wat met haar verskil het, haar gebrek aan vriende, haar onnetheid en vuilheid...” Hy het groot geword met min vriende, net sy neef Will was 'n groot vriend, en daardeur word hy maar groot in biblioteke tussen boeke en word daardeur lief vir lees en leer.
Hy het na die seuns Hoërskool gegaan, een van die beste hoërskole in Brooklyn. Hy het gedien as offisier van vele akademiese klubs, en word die redakteur van die “Latin Magazine”. Hy was ook redakteur van Principia, die skool se Fisika koerant, vir 'n jaar. Maslow het ander sterkpunte ook ontwikkel. As 'n jong seun het hy geglo dat fisiese krag die enkele mees definiërende karaktertrek van die ware man is, hy het gereeld geoefen en het gewig optel begin met die hoop om te transformeer na 'n meer gespierde, sterk man, maar vanweë sy kleinerige liggaamsbou was dit nie moontlik nie.
Na sy skoolloopbaan het Maslow by die City College of New York gaan studeer. In 1926 begin hy ook na-ure regte studeer, maar omdat hy nie daarvan gehou het nie het hy feitlik dadelik opgehou met sy regte studies. Hy gaan verder met sy studies aan die Universiteit van Wisconsin waar hy sielkunde studeer, met verkose eksperimentele-gedrag as hoof tema.
Maslow was 'n sielkunde professor by die Alliant Internasionale Universiteit, Brandeis Universiteit, Brooklyn College, New School for Social Research, en Columbia Universiteit. Hy het die belangrikheid om op die positiewe kwaliteite in mense te fokus beklemtoon, deur daarteen te stry om dit as 'n “sak simptome” te behandel. 'n Hersiening van algemene sielkunde opname, gepubliseer in 2002, het Maslow as die tiende mees gesogte sielkundige van die 20ste eeu geklassifiseer. Sy behoefte-gebaseerde benadering is standhoudend invloedryk in verskeie vertakkings van die sielkunde.
Maslow is op 8 Junie 1970, in die ouderdom van 62 jaar oorlede te Menlo Park, Kalifornië terwyl hy gedraf het en 'n massiewe hartaanval gekry het.